Laurdag 18. april går Arjan Einestrand (15) og tre kompisar i fotspora til mamma Mariann Einestrand, og skal gå same turen som Mariann og venninna Anita gjennomførte i fjor. Neste generasjon tek stafetten vidare.

- Mamma utfordra meg til å gå same turen, og eg kunne ikkje seie nei, fortel Arjan.

Arjan har med seg kameratane David Kjenes (15), Martin Sandvik (16) og Jørgen Soltveit (15) på den strabasiøse gåturen. Dei fire har oppretta si eiga innsamling, med mål om å bidra i kampen mot kreft og vidareføre engasjementet som familien og venene har bygd opp.

Turen startar ved soloppgang frå Rosnes kai og går heilt til Skjelanger Fort. Dette er ein krevjande etappe som går både langs veg og i terreng, og heile turen kan ta opptil eit døgn.

Målet er å samle inn mest mogleg pengar til Kreftforeningen – og sjølvsagt å slå tida til Mariann og Anita frå i fjor på rundt 22 timar.

- Vi har aldri gått så langt før, men vi er vane med tur og trening, så vi trur dette skal gå bra, seier gutane.

Sekken blir pakka lett med litt snacks, og gutane håpar på heiagjengar langs ruta. Om dei treng litt ekstra motivasjon undervegs, skrur dei på litt jazz på medbrakte høgtalarar.

- Den største motivasjon er å samle inn pengar til ei viktig saka. Vi hadde ein lærer på barneskulen i sju år som nyleg gjekk bort, og det gjer dette ekstra nært for oss, seier gutane.

På AMFI Knarvik sin Facebook-side er det oppretta eit arrangement der venegjengen kjem til å legge ut live oppdateringar frå turen undervegs.

– Vi håper folk vil støtte oss, følge turen på Facebook og gi et bidrag til denne viktige saka, oppmodar dei.


💛 Håpet ligger i forsking

Kreftforeningen sin årlege innsamlingsaksjon engasjerer tusenvis av frivillige, organisasjonar og bedrifter i kampen mot kreft. Kvart år blir det samla inn pengar til livsviktig forsking. I dag har over 300 000 nordmenn hatt eller har kreft. Tre av fire overlever – dobbelt så mange som for 50 år sidan. Forskinga sine små og store framsteg gir håp.

Bli med i kampen – støtt Arjan og kompisane i deira gåtur for kreftsaka! 💛